A Xunta realiza un novo envío de 158.800 unidades de material de protección para facer fronte á covid-19 ás residencias e entidades sociais da provincia da Coruña

Esta semana enviouse unha nova partida a 108 centros de 62.650 máscaras e 67.600 luvas

A Xunta leva entregados nos centros sociais da provincia da Coruña trece envíos desde o inicio da crise

A Xunta de Galicia vén de facer un novo envío de material de protección fronte á COVID-19 con destino ás residencias e entidades sociais da provincia da Coruña, concretamente a 108 centros coruñeses. Nesta provincia a partida inclúe 62.650 máscaras e 67.600 luvas.

Entre as partidas enviadas esta semana incluíronse tamén botes de xel hidroalcólico e garrafas de desinfectante. No reparto de material tivéronse en conta as peticións que os propios centros e entidades trasladaron á Xunta tendo en conta as súas necesidades actuais.

Ata o de agora, o Goberno galego leva realizado trece envíos de material aos centros sociais da comarca con material de protección.

Estas entregas estanse a realizar a través da plataforma loxística que o Goberno galego puxo en marcha para centralizar a adquisición e a distribución de material de protección durante o estado de alarma e a emerxencia sanitaria polo coronavirus.

https://www.xunta.gal/notas-de-prensa/-/nova/49908/xunta-realiza-novo-envio-158-800-unidades-material-proteccion-para-facer-fronte

Deja una respuesta

Tu dirección de correo electrónico no será publicada.