A Xunta asesora ao persoal de 13 concellos da provincia da Coruña sobre a aplicación das novas directrices da paisaxe

O director do Instituto de Estudos do Territorio (IET), Francisco Barea, animou a 13 concellos da provincia da Coruña a implicarse e colaborar na aplicación práctica das Directrices da Paisaxe de Galicia, a primeira ferramenta deste tipo coa que conta a Comunidade e que entrou en vigor o pasado 20 de febreiro.

Así llo trasladou o director do IET a unha representación de técnicos e responsables municipais dos concellos de Coristanco, Carballo, Laracha, Cerceda, Malpica de Bergantiños, Ponteceso, Cabana de Bergantiños, Santa Comba, Zas, Laxe, Vimianzo, Camariñas e Muxía, no transcurso dunha xuntanza informativa celebrada na Casa do Concello de Coristanco.

Cómpre lembrar que a Consellería de Medio Ambiente, Territorio e Vivenda leva dous meses celebrando este tipo de reunións para dar a coñecer a nivel local o contido das Directrices. Neste sentido, Barea sinalou que están pensadas como unha nova ferramenta de protección, xestión e conservación da paisaxe, coa que Galicia afianza a súa actual posición á vangarda do país nesta materia.

A Xunta dá valor a este tipo de encontros porque é moi importante que se coñeza o seu alcance, por canto recolle normas e directrices que deberán integrarse na totalidade de iniciativas que se promovan no territorio galego. En definitiva, búscase compatibilizar a protección e mellora da paisaxe co desenvolvemento económico de Galicia.

https://www.xunta.gal/notas-de-prensa/-/nova/59154/xunta-asesora-persoal-13-concellos-provincia-coruna-sobre-aplicacion-das-novas

Deja una respuesta

Tu dirección de correo electrónico no será publicada.