A directora da Amtega fixo balance dos cinco anos da Axenda Dixital 2020 no pleno do Observatorio da Sociedade da información

Estase a ultimar o proceso de elaboración da Estratexia Galicia Dixital 2030, no que participaron axentes, institucións e entidades públicas e privadas así como un panel de expertos académicos das tres universidades galegas

Tamén se avanzaron as liñas do Plan de Traballo do Osimga para o próximo ano, que analizará o impacto da COVID 19 no sector TIC e publicará un novo estudo sobre as tendencias de mercado recollidas na Estratexia Dixital da Xunta de Galicia 2030

Ademais, publicaranse os resultados do estudo sobre a traxectoria profesional dos egresados STEM nas tres universidades galegas

O pleno anual do Observatorio da Sociedade da Información (Osimga) celebrouse esta semana en Santiago a través de videoconferencia. No encontro a directora da Amtega, Mar Pereira deu conta das medidas desenvolvidas durante os cinco anos de desenvolvemento da Axenda Dixital de Galicia 2020 (ADG2020), impulsada desde este departamento autonómico. Ademais, informou do Plan de Traballo do Osimga o próximo ano e fixo balance da situación da Sociedade da Información en Galicia, baseado nos últimos datos do Observatorio.

Desde 2015 lévanse investidos máis de 1.260 millóns de euros, máis de 400 de capital privado nos diferentes plans de transformación dixital. O sector tecnolóxico ten un papel chave na implantación destas actuacións.En Galicia o número de empresas do Hipersector TIC ascende a 3.665 empresas, que deron emprego no ano 2019 a máis de 24.300 persoas, o que representa un crecemento do 4,4% respecto do ano anterior.

Cinco anos de Axenda Dixital 2020

A directora da Amtega destacou as actuacións para mellorar a conectividade do tecido produtivo con actuacións específicas para empresas do rural e os despregamentos para a extensión de redes en núcleos de menos de 300 habitantes, que xa beneficiaron a 53.000 persoas. Desde 2018 puxéronse en marcha as primeiras medidas do Plan Galicia 5G como a posta en marcha do Nodo de Cooperación 5G ou os avances no desenvolvemento de diferentes probas de concepto con esta tecnoloxía, que no 2020 son xa máis de 30

Entre outros avances no proceso de dixitalización destacou que tramitación telemática superou á presencial, situándose xa nun 53,2% no 2019. Neste eido, destacou a publicación da Lei 4/2019, do 17 de xullo, de administración dixital de Galicia (LEDIXGA) completando o marco normativo galego para consolidar unha administración dixital máis accesible e proactiva e universalizar o uso e acceso da cidadanía aos servizos públicos dixitais. E, ao seu abeiro, deseñáronse as bases do novo marco de competencias dixitais, aliñado coas estratexias europeas na materia.

No ámbito educativo, o ensino integramente dixital en Galicia posibilita que a día de hoxe 34.000 estuden co libro dixital. Ao mesmo tempo, promovéronse os coñecementos STEM duplicando o número de centros que imparten o STEMBach chegando a 31 centros no curso 2019/20. Así, no 2019 superáronse cun ano de adianto os obxectivos fixados na Estratexia Galega para a Educación Dixital de centros eDixgal e Bacharelato de Excelencia.

Ademais, no marco do Plan de Inclusión Dixital impulsáronse novas iniciativas coa a colaboración de máis de 856 Aliad@s Dixitais, conseguindo achegar a tecnoloxía a máis de 90.900 galegos a través da Rede de Aulas públicas CeMIT con máis de 377.000 horas de formación planificadas.

Con respecto aos sectores estratéxicos da economía galega, potenciáronse os recursos turísticos e patrimoniais galegos a través das tecnoloxías dixitais co desenvolvemento do Plan Smart Turismo e a creación da Memoria dixital de Galicia, avanzando na conformación dun fondo dixitalizado do patrimonio cultural material e inmaterial. E, por outra banda, realizouse unha importante aposta pola transformación dixital do sector primario co Programa Primare; no eido agrario desenvolvéronse proxectos CPTi para a automatización das inspeccións das axudas da PAC e no sector do mar dixitalizáronse 14 lonxas.

En canto ao impulso ao sector TIC no 2019, afondouse no desenvolvemento do plan DICO Mindset para impulsar os contidos dixitais en Galicia, leváronse a cabo iniciativas que permitiron aproveitar as oportunidades que ofrece este sector, destacando o proxecto de innovación tecnolóxica para adaptar as emisións da CRTVG ás novas demandas do mercado. Ademais, cabe destacar tamén o apoio á creación dos primeiros Hubs de Innovación Dixital en Galicia.

O catálogo de actuacións do Plan DigiTalent tiña 37 actuacións dispoñibles a principios do curso 2019/20, en colaboración cos axentes do ecosistema dixital, para promover as vocacións científico-tecnolóxicas entre os máis novos e a adaptación aos novos perfís dixitais.

Elaboración da Estratexia Galicia Dixital 2030

Durante os meses previos á pandemia leváronse a cabo foros, encontros e outros mecanismos de participación con diferentes institucións e entidades públicas e privadas, que contribuíron coas súas achegas a identificar retos e pancas a considerar para conformar a sociedade galega do futuro. E, así mesmo, contouse cun panel de expertos académicos das tres universidades galegas para obter unha mirada aos mundos e tendencias que xorden froito dos cambios económicos, sociais e científico-tecnolóxicos e contribuír a identificar as claves que nos permitan acomodar a acción no ámbito rexional, aproveitando as posibilidades que ofrecen as novas tendencias globais.

Froito deste traballo, actualmente estase a ultimar o proceso de elaboración da Estratexia Galicia Dixital 2030, tomando como base os logros acadados no ámbito dixital na Comunidade nos últimos anos e o novo contexto social, económico e tecnolóxico; coa visión posta en situar a Galicia como unha rexión intelixente de referencia en Europa, onde o uso das tecnoloxías dixitais contribúe a aumentar a calidade de vida e o desenvolvemento sostible nas súas tres vertentes: social, económica e medio ambiental.

Nova liñas de estudo sobre o impacto da COVID19 no sector TIC e as tendencias de mercado no ámbito dixital

No Pleno do Osimga tamén se presentaron as principais novidades do Plan de Traballo do Observatorio como a análise sobre o impacto da COVID19 nas empresas TIC de Galicia.

Ademais, como novidade no ano 2020, ampliarase o catálogo de informes do OSIMGA cun novo estudo aliñado coa nova Estratexia Dixital da Xunta de Galicia 2030. Neste estudo avaliaranse as principais tendencias de mercado no ámbito dixital recollidas na nova Estratexia Dixital da Xunta de Galicia 2030

No próximo ano, o Osimga tamén publicará os resultados obtidos do Estudo de Egresados/as STEM das Universidades Galegas. Tras desenvolver unha metodoloxía específica para este proxecto nos meses anteriores, estase a desenvolver este estudo a través dunha enquisa específica e no ano 2021 daranse a coñecer os principais resultados e conclusións.

https://www.xunta.gal/notas-de-prensa/-/nova/53511/xunta-sector-tecnoloxico-investiron-mais-1-260-desde-2015-para-avanzar-dixitalizacion

A estratexia conta cunha importante presenza en plataformas como Instagram ou Spotify e fai que a Xunta estea presente por primeira vez en Tik Tok

Poderá verse tamén nas rúas comerciais das sete cidades galegas nas semanas do Nadal, co obxectivo de lembrar que a cultura tamén pode ser un agasallo

“Debemos seguir traballando para que a actividade non se paralice e coa esperanza de que isto tamén pasará”, salienta o representante autonómico

Avanza que, de manterse a actual evolución epidemiolóxica, as autoridades sanitarias prevén incrementar os aforos culturais nos próximos días

Para a difusión, a Administración autonómica buscará tamén a colaboración dalgunhas das caras máis recoñecidas do panorama cultural galego

O conselleiro de Cultura, Educación e Universidade, Román Rodríguez, presentou hoxe no Pazo da Cultura de Pontevedra a nova campaña para fomentar a cultura que a Xunta de Galicia pon en marcha de cara aos próximos meses. Trátase dunha estratexia centrada na dinamización do consumo e na importancia de programar actividades seguras, que se enmarca nas actividades impulsadas ao abeiro do Plan de reactivación cultural.

Tal e como explicou o titular de Cultura do Goberno galego durante a presentación, esta campaña “busca concienciar sobre a necesidade de que todos nos impliquemos no mantemento dun sector que é estratéxico para a nosa Comunidade”. Para isto, establécese unha estratexia que, tendo en conta o contexto no que vivimos, adáptase a todos os soportes para chegar as rúas comerciais das cidades galegas, os medios de comunicación e as principais redes sociais.

Neste sentido, tal e como indicou, a campaña estará baseada en cinco gráficas ¬–teatro, libro, música, danza e cine– e contará tamén cunha forte presenza dixital, a través de plataformas como Instagram, Spotify ou Tik Tok, onde a Xunta de Galicia estará presente por primeira vez, co obxectivo de chegar a todos os públicos visibilizando que a cultura é un dos principais piares da nosa identidade e unha fonte de riqueza e que “debemos seguir participando nela porque a cultura é segura e hai que gozala”.

Interacción e participación

Román Rodríguez incidiu tamén en que esta é unha campaña “moi necesaria” que está pensada “para favorecer á recuperación e reactivación de todos os sectores culturais”, especialmente no contexto do Nadal, onde os produtos culturais poden ser un bo agasallo. Para iso, engadiu, esta estratexia buscará a participación dalgunhas das caras máis recoñecidas do panorama cultural galego para visibilizar a importancia de promover o consumo entre toda a poboación. Esta interacción cos contidos da campaña buscarase a través de cuestionarios e enquisas nas que a xente poderá compartir, entre outras cousas, cal é a súa obra de teatro favorita, o libro que quere que lle agasallen ou o primeiro espectáculo de danza que viu.

O lanzamento desta campaña, tal e como explicou o conselleiro, forma parte dun paquete de medidas deseñado pola Xunta no marco dun Plan de reactivación dos sectores culturais que, dotado con 26,4M€, establece unha folla de ruta coa que paliar o impacto inmediato da crise sanitaria. Trátase dun plan “ambicioso e valente” que inclúe medidas para o conxunto do sector, do que xa se executaron ou están en marcha o 95%, e que está permitindo “dar un pequeno respiro a moitos profesionais e industrias da cultura dun momento de gran dificultade”.

Os responsables da campaña son empresas galegas especializadas que contan cunha ampla experiencia e traxectoria. O deseño foi encargado a empresa pontevedresa OVO e gravado en espazos culturais da Comunidade galega. A responsable da estratexia dixital, pola súa banda, será a axencia Nasas, da Coruña. Tamén é galega a banda sonora do spot: Alalá do Pai Iglesias II do músico Álvaro Iglesias, do Porriño.

Máis investimento en 2021

Neste contexto, Román Rodríguez lanzou unha mensaxe de esperanza e animou a todos os axentes culturais a “seguir dando pasos para que a cultura continúe sendo un sector estratéxico no futuro de Galicia”. “Debemos seguir traballando para que a actividade non se paralice e coa esperanza de que isto tamén pasará”, concluíu. A esta respecto, avanzou que, de manterse a actual evolución epidemiolóxica, as autoridades sanitarias prevén incrementar os aforos culturais nos próximos días.

Avanzou, así mesmo, que a Xunta manterá esta aposta pola cultura no vindeiro ano. “Os orzamentos de 2021 inclúen un incremento de fondos do 27,4% para os nosos creadores e creadoras, para a nosa industria cultural, para a nosa cultura de base, para os museos e bibliotecas, para a conservación do patrimonio, entre outros”, subliñou respecto á partida de 94M€ das contas autonómicas presentadas esta semana.

Presenza en Culturgal desde hoxe

Esta mesma tarde o conselleiro participará tamén na apertura en Pontevedra de Culturgal, que se adapta ás limitacións de capacidade e demais restricións sanitarias ofrecéndolle ao público unha ambiciosa transmisión en liña da meirande parte da súa programación.

A Xunta de Galicia mantén o seu apoio económico ao encontro, do que é a principal patrocinadora, ademais de se involucrar directamente na configuración do programa, ao que achega unha vintena de actividades culturais. Deste xeito, durante a fin de semana Culturgal será o escenario para seis dos espectáculos ao vivo do Fondo de Proxectos Culturais Xacobeo 2021 −entre os que se atopan os concertos de Susana Seivane e Luar na Lubre−, a proxección da restauración da versión polícroma do documental de 1927 Pontevedra, cuna de Colón, ou a presentación de diferentes iniciativas da Xunta no ámbito da cultura dixital, da promoción da economía social, da dinamización lingüística e da programación cultural.

Con este acto de apertura, darase paso á primeira sesión audiovisual do encontro coa proxección do filme de Alfonso Zarauza Ons e a actuación do grupo Chicharrón, que asina o tema central da banda sonora. Esta longametraxe, para a que a produtora Maruxiña Film Company recibiu unha subvención da Xunta de Galicia de preto de 240.000 euros, chega a Pontevedra en pleno percorrido por distintos festivais cinematográficos antes da súa estrea en salas, prevista para o 18 de decembro.

https://www.xunta.gal/notas-de-prensa/-/nova/53484/xunta-galicia-presenta-nova-campana-cultural-centrada-fomento-consumo-por-parte

En Moda o primeiro premio foi para Ana María Vázquez Fernández, de Cambre, coa obra ‘Hand(some)’

No apartado de Deseño de xoias o primeiro premio foi para a ribeirense Sofía Rivas Souto pola súa proposta ‘Xénese’

A exposición das obras finalistas estará aberta ao público na Igrexa da Universidade de Santiago de Compostela ata o vindeiro día 8 de decembro

A directora xeral de Xuventude, Participación e Voluntariado, Cristina Pichel, asistiu hoxe á mostra das obras finalistas nas especialidades de Moda e Deseño de xoias do programa Xuventude Crea 2020, que se poderá visitar na Igrexa da Universidade de Santiago de Compostela ata o día 8 do vindeiro mes de decembro. No acto déronse a coñecer as propostas gañadoras nestas dúas modalidades do certame, que ten como finalidade promocionar o talento, a creatividade e a innovación da xente nova de Galicia.

Nesta edición de 2020, presentáronse un total de 24 creacións na categoría de Moda —fronte as 10 do ano anterior— e 11 obras na de Deseño de xoias, o que supón a participación de 16 mozos e 19 mozas. De todos os proxectos presentados, seleccionáronse para esta fase final oito participantes no primeiro dos apartados e seis no segundo.

Na especialidade de Moda, o primeiro premio foi para Ana María Vázquez Fernández (Cambre) coa proposta Hand(some); o segundo recaeu en Catalina Estévez Reguera (Baiona) con Help; e a terceira posición compartírona Brais Albor Rodríguez (Santiago) coa obra Colección solo e Ángel López Pérez (Marín) con Notas de Ozu a Yamamoto.

Os mellores deseños de xoias

Pola súa banda, na categoría de Deseño de xoias os premiados foron: Sofía Rivas Souto (Ribeira), gañadora do certame coa creación Xénese; o segundo premio foi para Marcos López Rodríguez (O Grove), coa obra Expedición al Mare Nostrum; e en terceiro lugar quedou Onécimo Betances Gómez (Vigo), con Al rescate marino. Tamén se concedeu unha mención de honra a Adrián Abal Martínez (Barro), con Árbores mariñas.

Os premios para cada especialidade son de 3000 euros o primeiro premio, 1500 euros o segundo premio e 1000 euros o terceiro premio. O xurado tamén pode outorgar mencións de honra, sen dotación económica.

Catorce especialidades

O programa Xuventude Crea vai dirixido a mozas e mozos residentes en Galicia con idades comprendidas entre os 16 e os 30. Ademais das especialidades de Moda e Deseño de xoias, inclúe as categorías de Cociña, Teatro, Música, Novela curta, Poesía, Videocreación, Banda deseñada, Graffiti, Creación de videoxogos, Danza moderna, Fotografía e Artes plásticas —esta última comprende as modalidades de pintura e escultura—.

A edición deste ano do Xuventude Crea acadou un récord de participación, con preto de 500 mozas e mozos que presentaron as súas candidaturas, fronte as 382 do ano anterior.

https://www.xunta.gal/notas-de-prensa/-/nova/53469/xunta-promociona-novos-talentos-ambito-moda-deseno-xoias-traves-programa-xuventude

O obxectivo é facilitar aos profesionais unha cualificación que facilite o seu labor, ao tempo que se garante ao alumnado a mellor formación dos seus docentes

Galicia corrixe así a decisión do Goberno central, que permite a contratación do profesorado sen esixir máis que a titulación

O curso, telemático, componse de cinco módulos que dan ao profesorado ás claves para desenvolverse no seu día a día

O conselleiro de Cultura, Educación e Universidade, Román Rodríguez, presentou hoxe a formación que a Xunta de Galicia ten programada para os docentes que se contraten e que non conten co Máster do Profesorado ou equivalente. A iniciativa, tal e como salientou, ten como obxectivo manter os estándares de calidade do sistema educativo galego, avalados tanto polos resultados do informe PISA como por unha redución do 50% na taxa de abandono temperá na última década, que está agora na nosa Comunidad case cinco puntos por debaixo da media estatal.

Román Rodríguez explicou que esta formación é “un plus de garantía” fronte á decisión do Ministerio de permitir a contratación de docentes sen Máster do Profesorado sen esixir nada máis que a titulación. En calquera caso, non vai en detrimento dos dereitos do profesorado, dado que a contratación destas persoas será excepcional, só cando non exista outra persoa que si conte co Máster ou equivalente e non consolidará dereito na listaxe, tal e como foi transmitido aos sindicatos na mesa sectorial.

Neste sentido, destacou que os profesos de oposicións realizados en Galicia na última década, así como a apertura de listas en 49 especialidades o pasado verán, permite ao sistema educativo galego contar cun amplo número de docentes ben preparados para a docencia.

“Acabamos de rematar as instrucións para corrixir en Galicia os defectos do coñecido como decreto do aprobado xeral, mantendo o nivel de esixencia e os criterios de avaliación, promoción e titulación”, dixo o conselleiro, que salientou que “como Administración é a nosa obriga garantir e contribuír á formación profesorado, o que é a razón de ser da formación que hoxe presentamos”.

Elaborada polo Centro Autonómico de Formación e Innovación (CAFI), o corazón da Rede de Formación do Profesorado, e co aval do Comité Educativo, esta formación desenvolverase de xeito telemático e compaxinarase co período de traballo destas persoas, a través dun repositorio virtual habilitado pola Xunta –que contribuirá a que teñan un maior coñecemento do sistema educativo e das ferramentas tecnolóxicas institucionais– e baixo a supervisión de profesionais da Rede de Formación do Profesorado da Xunta.

Ao acto de presentación asistiron tamén o secretario xeral de Educación e Formación Profesional, José Luis Mira, e o director do Centro Autonómico de Formación e Innovación (CAFI), Ángel Rodríguez Sánchez

Temáticas da formación

O curso está composto por cinco módulos. O primeiro deles centrarase no coñecemento da normativa, organización institucional e funcionamento dos centros educativos, do sistema educativo galego en xeral e das diferentes estratexias educativas da Consellería de Cultura, Educación e Universidade.

O segundo módulo contribuirá a que a persoa que o curse se familiarice co traballo no centro educativo e coas funcións do profesorado en relación ás Competencias Profesionais Docentes

O módulo tres aborda cuestións como a adaptación do centro á covid ou as ferramentas tecnolóxicas institucionais (aula virtual, ferramenta de videoconferencia ou rede Agueiro), mentres que o cuarto afonda nos principais documentos (proxecto educativo, plan lector, programación anual…) cos que se traballa nun centro e os recursos para a aula, como o repositorio de contidos educativos Abalar.

Finalmente, o módulo quinto recolle a información para que o persoal docente coñeza as estruturas de formación permanente do profesorado.

https://www.xunta.gal/notas-de-prensa/-/nova/53324/xunta-presenta-formacion-para-profesorado-sen-master-fin-manter-estandares-calidade

Subliña que as contas galegas serán unha inxección para a creación de postos de traballo e para facer inversións que melloren a competitividade dos servizos públicos

Salienta que o Goberno galego tramitará a Lei de reactivación, cuxo principal obxectivo é a simplificación dos trámites administrativos; “diminuír á metade os tempos dos trámites administrativos”

Sinala que os proxectos presentados por Galicia aos fondos europeos poñen en valor a materia prima e os recursos naturais da Comunidade: “Son proxectos que entran no corazón industrial, tanto do sector primario, como forestal, da automoción e do enerxético”

O presidente do Goberno galego, Alberto Núñez Feijóo, avanzou hoxe que os Orzamentos da Xunta de 2021 incluirán o maior investimento público da historia, que roldará os 2.500 millóns de euros e triplicará a inversión territorializada prevista nos Presupostos Xerais do Estado.

“Este orzamento vai ter o peso máximo de gasto da serie histórica. Imos investir máis de 11.600 millóns de euros e imos facer dúas cousas: controlar o gasto corrente e apostar claramente pola anticipación das inversións”, dixo, subliñando que as contas galegas serán unha inxección para a creación de postos de traballo e para facer inversións que melloren a competitividade dos servizos públicos.

“Serán para finalizar a rede nova de hospitais e centros de saúde, así como a rede de residencias de maiores e todo o que implica a dependencia e os centros de día; para finalizar a dixitalización da ensinanza; e para continuar coas infraestruturas viarias e de abastecemento e saneamento”, precisou.

Durante a súa participación por videoconferencia, xunto ao presidente do Principado de Asturias, Adrián Barbón, nos Encuentros del Eo, Feijóo salientou, no eido económico, que a Xunta tratou de apoiar desde o primeiro momento da pandemia aos sectores máis afectados, referíndose ao ocio nocturno, que conta con axudas autonómicas para pagar o aluguer e manter o emprego; ás iniciativas para axudar ao sector do comercio, ao turismo e aos servizos a adaptarse ás novas circunstancias; á posta en marcha dun plan de dixitalización para pemes e autónomos; ou ao plan de rescate para autónomos, dotado con 70 millóns.

“Todas estas iniciativas exemplifican os esforzos destinados a paliar a complexa situación das empresas e sectores que peor o están pasando”, sinalou, apelando tamén á necesaria implicación doutras administracións como son os concellos e o Goberno central.

Sobre este punto, referiuse á necesidade de reducir ao 4% o IVE turístico e manter os ERTE mentres duren as restricións sanitarias, así como que os concellos revisen o cobro das taxas municipais durante o tempo que dure esta situación.

Os fondos europeos, unha oportunidade para os obxectivos compartidos do noroeste

Ao longo da súa intervención, Feijóo recordou tamén que o Goberno galego tramitará a Lei de reactivación, cuxo principal obxectivo é a simplificación dos trámites administrativos; “diminuír á metade os tempos dos trámites administrativos”. E insistiu na oportunidade que supoñen os fondos Next Generation.

“Estamos a falar dunha oportunidade de negocio e de inversión para cambiar, para intensificar e orientar a política industrial e as políticas de infraestruturas para os vindeiros anos”, aseverou, recordando que os proxectos presentados por Galicia poñen en valor a materia prima e os recursos naturais da Comunidade.

“Non son proxectos estéticos ou cosméticos, son proxectos que entran no corazón industrial de Galicia, tanto do sector primario, do sector forestal, do sector da automoción e do sector enerxético. Proxectos que xeran emprego e que consolidan un cambio da nosa economía máis verde e máis dixital”, abundou.

Así mesmo, afirmou que estes fondos suporán tamén unha oportunidade para os obxectivos compartidos do noroeste, para poñer en valor o corredor do noroeste. E pediu ao Goberno central novamente que se fixe nos proxectos estratéxicos de cada comunidade. “Isto non é un café para todos, o Goberno ten que buscar a competitividade da nosa economía, tanto do sector primario como dos sectores industriais. E isto é o que lle pedimos, que busquemos e fagamos prioritarios os proxectos que cambien a economía dunha comunidade”, reflexionou.

Ademais de intercambiar impresións sobre a xestión da pandemia, Feijóo referiuse tamén a outras prioridades comúns como evitar a perda de financiamento comunitario no novo período 2021-2027, o envellecemento e a dispersión.

https://www.xunta.gal/notas-de-prensa/-/nova/53177/feijoo-avanza-que-orzamentos-2021-incluiran-maior-investimento-publico-historia

Será en 2021 cuando se celebren los exámenes de una oferta que no era mayor en 12 años

Nuevas ayudas para autónomos, con 10 millones: hostelería, cultura, ocio nocturno o ambulantes pueden beneficiarse

La educación concertada también recibe una ayuda de más de 7 millones para adaptaciones por el virus

Este viernes es «probable» que se apliquen restricciones en la zona de Bergantiños, con el foco en concellos como Carballo, y en Chantada (Lugo)

La Xunta ha anunciado un impulso a la oferta de empleo público de 2020, con un total de 7.380 plazas, «la mayor oferta en 12 años», ha comunicado el presidente, que lo ha cifrado en un 43% más que las plazas de 2019. Servirá para llenar las vacantes de jubilación, el máximo que, ha afirmado, permite el Gobierno actualmente. Espera que eso cambiE con los nuevos presupuestos, al menos en el apartado sanitario o para las comunidades que cumplen los objetivos de déficit, «porque si no parece que da igual cumplir que no», ha lamentado.

En el ámbito sanitario serán 985 las plazas, mientras que 2.741 serán para Administración Xeral y 2.346 de acceso libre. Otras 395 irán por promoción interna. 1.215 serán para el Consorcio de Servicios Sociales. En cuanto a la sanidad, habrá «un plus» para aquellos que hayan trabajado durante la pandemia y también para los que prestan servicios en hospitales comarcales o centros de salud alejados de los grandes núcleos poblaciones. El presidente ha asegurado que se avisará con un mes de antelación como «mínimo» para que los opositores puedan dar un último «repaso» al temario. «Todo parece indicar» que en lo que resta de 2020 no se celebrarán este tipo de procesos. También saldrán las plazas en educación, 3.254 anunciadas.

Además se ha aprobado en la reunión semanal de su Gobierno un nuevo paquete de ayudas, con la hostelería, el ocio nocturno, la cultura o la educación concertada en el foco. Así, se ha ratificado en el Consello una línea de 10 millones de euros para autónomos. Hostelería, economía social, ocio nocturno, el apartado cultural, otros de disfrute, como pueden ser las verbenas o los puestos itinerantes pueden entrar entre los beneficiarios.

Según el presidente de la Xunta, Alberto Núñez Feijóo, que ha presentado la medida en rueda de prensa, será una línea «prácticamente sin intereses», en la que el dinero será devuelto a siete años, «sin pagar nada» durante los tres primeros. Podrá ir destinada, por ejemplo, a pagar sueldos, arrendamientos o impuestos, según ha indicado el titular autonómico. Las ayudas se concederán «por riguroso orden de entrada», ha explicado.

Además, Feijóo ha reclamado mayor implicación del Gobierno central en este tipo de ayudas. Así, ha solicitado reducir el IVA a la hostelería al 4% como han hecho otros estados europeos, dar «ayudas directas» a cargo de las arcas del Gobierno central, prolongar los ERTE hasta mayo de 2021, ampliar «el periodo de carencia de los préstamos» o la «bonificación o aplazamiento de la cuota de autónomos, el IRPF y el impuesto de sociedades» para la hostelería. También ha pedido mayor implicación a los ayuntamientos, por ejemplo, facilitando trámites o licencias. A su vez, ha explicado que la Xunta invertirá en ayudas para la instalación de terrazas para bares o cafeterías. Ese, ha remarcado, es «el lugar más saludable» de un bar, y lo seguirá siendo por un periodo amplio de tiempo.

Restricciones

El líder gallego ha aprovechado además para recordar que mañana habrá reunión del comité clínico para revisar las medidas en vigor, principalmente, si algún concello entra en la lista de los 60 municipios con mayores restricciones. Feijóo ha puesto el foco, a preguntas de la prensa, en Carballo y en más lugares de la zona de Bergantiños, o en el municipio de Chantada, en Lugo, donde serán revisadas las medidas y se podría decretar el cierre de la hostelería. Fueron «preavisados» los alcaldes el martes tras evaluar la situación y su incidencia, y el viernes «es probable» que se adopte alguna medida en Carballo y en la zona de Bergantiños.

Todo ello mientras Feijóo ha seguido remarcando que el número de PCR baja los fines de semana, precisamente, por la naturaleza de esos días. Incluso ha enseñado una gráfica para apoyar sus datos. Además, ha lamentado que no se contabilicen las pruebas que se analizan mediante el método de pooling en Vigo, que analiza varias pruebas a la vez. También que el Ministerio de Sanidad no dé datos de la pandemia en fin de semana, a pesar de que las autonomías siguen enviándolos.

Le ha tocado al presidente responder de nuevo, después de argumentar este miércoles en el Parlamento que hay 700 rastreadores directos en Galicia, sobre las dudas de las personas que realizan esas labores en la Comunidad. El presidente ha insistido que hay más de 6.000 personas haciendo ese trabajo entre los que lo hacen a tiempo completo o parcial. También ha respondido sobre la dantesca situación en la residencia de Salvaterra do Miño, donde el presidente ha asegurado que tuvieron conocimiento de estos hechos por «un anónimo», y ha remarcado que «si hay alguna cuestión actuaremos», mientras ha señalado que personal de la Xunta ya ha acudido a ese centro y que ahora la atención es «adecuada». Esa residencia ha sido intervenida por la autonomía por el alto nivel de contagios.

https://www.abc.es/espana/galicia/abci-coronavirus-galicia-sanitarios-trabajasen-pandemia-tendran-plus-oferta-empleo-publico-7380-plazas-202011121514_noticia.html